Social Icons

Featured Posts

Monday, 4 January 2016

பங்குச்சந்தை அடிப்படை (Basics of Stock Market)

பங்குச்சந்தையை பற்றி பார்ப்பதற்கு முன், சில அடிப்படை தகவல்களை தெரிந்து கொள்வோம்.
சரி! வாங்க பங்குச்சந்தை பற்றி பார்ப்போம்

தனியார் நிறுவனம் என்றால் என்ன ? (Private Company)
ஒரு நிறுவனம் என்பது கீழ்கண்ட இரு வகைகளில் உருவாக்கப்படுகிறது,
  • தனியொருவர் மட்டும் முதல் போட்டு வியாபாரம் செய்தால் அது தனியார் வியாபாரம். (Private Business)
  • சில நபர்கள் கூட்டு சேர்ந்து முதல் போட்டு வியாபாரம் செய்தால், அது பங்கு நிறுவனம் எனப்படும். (ஆங்கிலத்தில் Partnership எனப்படும்)

கம்பனி என்றால் என்ன ? (What is meant by company?)
மேலே கூறப்பட்ட Partnership என்பது முகம் தெரிந்தவர்களை மட்டும் சேர்த்து இயங்கக்கூடியது. இவற்றுடன் முகம் தெரியாத பலரையும் சேர்த்து வியாபாரம் செய்வதற்காக உருவாக்கப்படுவதற்கு கம்பனி என்று பொருள்.
இந்த கம்பனிகள் ரெஜிஸ்டார் ஆப் கம்பனீஸ் (Registrar of Companies) என்னுமிடத்தில் பதிவு செய்யப்படுகிறது. இதனால் அந்த கம்பனியின் கடன்களுக்கு அக்கம்பனியே பொறுப்பு, பங்குதார்கள் பொறுப்பல்ல. (பங்குதாரகள் என்பது கீழே விளக்கப்பட்டுள்ளது)

பங்கு என்றால் என்ன ? (What is meant by stock?)
மேலே கூறப்பட்ட கம்பனிகள், முகம் தெரியாத பலரை சேர்க்க வெளியிடப்படும் சேர்களுக்கு (shares) பங்கு என்று பொருள்.

பங்குச்சந்தை என்றால் என்ன ? (What is meant by Stock Market?)
பொதுவாக பங்குகளை வாங்கி விற்குமிடமே (டிரேடிங்) பங்குச்சந்தை ஆகும். இங்கு சிறு முதலீட்டாளர்கள், தரகர்கள் முதல் பெரிய முதலீட்டாளர்கள், தரகர்கள் வரை பங்குபெறலாம்.
உதாரணமாக இந்தியாவில் புகழ் பெற்ற பங்குச்சந்தைகள் மும்பை பங்குச்சந்தை (BSE – Bombay Stock Exchange) மற்றும் தேசிய பங்குச்சந்தை (National Stock Exchange) ஆகும். உலகளவில் நியூயார்க் பங்குச்சந்தை (New York Stock Exchange), லண்டன் பங்குச்சந்தை (London Stock Exchange), நாஸ்டாக் (NASDAQ) மற்றும் ஹாங்காங் பங்குச்சந்தைகள் (Hong Kong Stock Exchange) புகழ் பெற்றவைகள்.

பங்குச்சந்தை இரண்டு வகைப்படும், அவை (Different types of stock market)
· முதன்மை பங்குச்சந்தை (Primary Market)
ஒரு கம்பனி முதன் முதலாக பங்குகளை பொது மக்களுக்கு வெளியிடுமிடம் (Issuing first stocks to public) முதன்மை பங்குச்சந்தை ஆகும். இதற்கு ஐ.பி.ஓ (IPO – Initial Public Offer) என்று பொருள்.
· இரண்டாம் நிலை பங்குச்சந்தை வெளிச்சந்தை (Secondary Market)
முதன்மை பங்குச்சந்தையில் வாங்கப்பட்ட பங்குகளை விற்பதற்கோ அல்லது வாங்குவதற்கோ வெளிச்சந்தையை அனுக வேண்டும். ஒரு கம்பனி ஐ.பி.ஓ (IPO) முடிந்த பிறகு பங்குச்சந்தையில் பட்டியலிடப்படும் (Will be listed in stock market). அதன் பிறகு அக்கம்பனியின் பங்குகளை முதலீட்டாளர்கள் பங்குச்சந்தையில் விற்க முடியும். இப்பங்கின் நடப்பு விலையை (Current stock value) பொறுத்து மற்றொரு முதலீட்டாளர் வாங்கிக்கொள்ளலாம்.

பங்குதாரர் என்றால் என்ன ? (Share Holder)
பங்குதாரர்களை சேர்க்க கம்பனிகள் பங்குகள் எனப்படும் சேர்களை வெளியிடுவார்கள். இவ்வாறு வெளியிடப்படும் பங்குக்கு ஒரு குறிப்பிட்ட முகப்பு விலையை (Face Value) நிர்னயம் செய்வார்கள். இப்பங்கை முகப்பு விலையோ அல்லது அதற்கு மேலோ விலை கொடுத்து வாங்குபவர்கள் பங்குதாரர்கள் ஆவார்.

பங்கு தரகர்கள் ? (Stock Brokers)
பங்குச்சந்தையின் உறுப்பினர்களே பங்குத்தரகர்கள் ஆவர். இவர்கள் மட்டுமே, பங்குகளை வாங்க/விற்க (Buy/Sell) நினைக்கும் தனிநபர் அல்லது நிறுவனம் சார்பாக டிரேடிங் (Trading) செய்ய முடியும். இதனால் பங்குகளை வாங்க நினைக்கும் ஒருவர் பங்குதரகரை அனுக வேண்டும். இதற்காக முதலீட்டாளர் பங்குதரகரிடம் ஒரு கணக்கை தொடங்க வேண்டும்.

Saturday, 14 February 2015

How to apply sub inspector exam

சப் இன்ஸ்பெக்டர் தேர்வுக்கு எப்படி அப்ளை பண்ணுவது? விரிவான விளக்கம்


சப் இன்ஸ்பெக்டர் தேர்வுக்கு எப்படி அப்ளை பண்ணுவது?
விரிவான விளக்கம்:
1] முதலில் CLICK HERE FOR REGISTRATION – ஐ கிளிக் செய்யவும்.
2] ஆன்லைன் விண்ணப்பத்தில் முதல் பக்கம் வரும். அதில் விண்ணப்பதாரரின் பெயர்
a] கைபேசி எண்
b] மின்னஞ்சல் முகவரி
c] பிறந்த தேதி
d] வயது
பாஸ்வேர்டை ஐ நிரப்ப வேண்டும். [ ஒருமுறை நிரப்பினால் அதை மாற்ற முடியாது. எனவே தெளிவாக யோசித்து நிரப்ப வேண்டும். ]
3] தனிநபர் விவரங்கள்:
தனிப்பட்ட விவரங்கள் மற்றும் அவரது விருப்பப்படி தேர்வு மையத்தை தேர்ந்தெடுக்கவும்.
4] தகுதி:
இந்த தொகுதியில் விண்ணப்பதாரரை பற்றிய விவரங்கள் அளித்திட வேண்டும்.
1. வயது அடிப்படை தகுதி.
2. அடிப்படைகள் மற்றும் கல்வி தகுதி.
சமூகம், (வயது வரம்பில் தளர்வு மற்றும் / அல்லது சமூகம் ஒதுக்கீடு கூறி இருந்தால்)
விளையாட்டு / ஒதுக்கீடு விவரங்கள் (கோட்டாவின் கீழ் விண்ணப்பித்து இருந்தால் )
குறிப்பு : விண்ணப்பதாரர்கள் தங்களின் தனிப்பட்ட விவரங்களை மிகுந்த உண்மையுடன் உள்ளிட வேண்டும்.
அனைத்து விவரங்களும் சரியாக உள்ளனவா என்று மீண்டும் ஒருமுறை சரிபார்க்க வேண்டும்.
ஆன்லைன் விண்ணப்பமே இறுதி என்று கருதப்படுகிறது. சான்றிதழ் சரிப்பார்ப்பில் நாம் கொடுத்த தகவல்கள் தவறாக இருப்பின் நாம் நிராகரிக்கப்படுவோம்.
5] ஆவணப் பதிவேற்றம்:
விண்ணப்பதாரர்கள் ஆவணங்களை ஸ்கேன் செய்து பதிவேற்ற வேண்டும்.
A] புகைப்படம் – Only jpg – 20 Kb – 50 kb.
B] கையொப்பம் – Only jpg – 20 Kb – 50 kb.
C] 10ம் வகுப்பு மார்க்சீட் – 1. Only jpg (if one attempt) 20 kb – 200 KB.
2. Only pdf (if 2 or more attempts) 50KB – 600 kb.
அதாவது
a. முதல் தடவையில் 10ம் வகுப்பு தேர்ச்சி பெற்றிருந்தால்
அந்த மார்க்சீட்டை Only jpg (if one attempt) 20 kb – 200 KB இந்த அளவில் பதிவு செய்யவும்.
b. 10ம் வகுப்பில் பெயிலாகி இரண்டு மாக்சீட் வைத்திருந்தால் அதை Only pdf (if 2 or moreattempts) 50KB – 600 kb. இந்த அளவில் பதிவு செய்யவும்.
D] 12ம் வகுப்பு மார்க்சீட் – 1. Only jpg (if one attempt) 20 kb – 200 KB.
2. Only pdf (if 2 or more attempts) 50KB – 600 kb.
அதாவது
a.முதல் தடவையில் 12ம் வகுப்பு தேர்ச்சி பெற்றிருந்தால்
அந்த மார்க்சீட்டை Only jpg (if one attempt) 20 kb – 200 KB இந்த அளவில் பதிவு செய்யவும்.
b.12ம் வகுப்பில் பெயிலாகி இரண்டு மார்க்சீட் வைத்திருந்தால் அதை Only pdf (if 2 or more attempts) 50KB – 600 kb. இந்த அளவில் பதிவு செய்யவும்.
E] பட்டம் அல்லது இடைக்கால சான்றிதழ் – Only jpg 20 kb -100 kb.
குறிப்பு : கீழே உள்ள [ 6, 7, 8, ஆகியவை ஒரே உரிமைகோரியவர்களிடமிருந்து ஒதுக்கீடு தரப்பட்டவை ].
F] சமூக சான்றிதழ் – Only JPG – [ 20 KB 100 KB ].
G] படிவம் – ஒன்று அல்லது படிவம் – இரண்டு அல்லது படிவம் – மூன்று ,
விளையாட்டுப் பிரிவினருக்கானது. Only jpg [ 20 KB 100 KB ].
H] ஆதரவற்ற விதவை சான்றிதழ் பற்றிய வயது தளர்வு – Only jpg [ 20 KB 100 KB ].
I] முன்னால் ராணுவத்தினர் [ பணியில் இருந்து விடுவிக்கப்பட்ட விவரங்கள் ] – Only Pdf [ 50 kb 400 kb ] இந்த அளவில் இருக்க வேண்டும்.
J] வார்டு சான்றிதழ் – [ Only jpg – [ 20 kb – 100 kb ] [ Only ward quota applying candidates ].
K] தடையில்லாச் சான்றிதழ் [ துறை ஒதுக்கீடு ] – [ Only jpg – [ 20 kb – 100 kb ] – [ஒரே விண்ணப்பதாரர்கள் விண்ணப்பிக்கும் துறை ஒதுக்கீடு ].
6]முன்னோட்டம்:
இந்த தொகுதியில் விண்ணப்பதாரர்கள் மேலே பூர்த்தி செய்த விண்ணப்பத்தை பார்க்கலாம்.
மேலும் பதிவேற்றிய விண்ணப்பம் இறுதியாக சமர்ப்பிக்கும் முன் துறைகள் மற்றும் ஆவணங்களை திருத்த இது உதவுகிறது.
இந்த தொகுதி சமர்ப்பிக்கப்பட்ட பின், விண்ணப்பத்தை மாற்ற முடியாது.
7]கட்டணம் :
விண்ணப்பத்தை சமர்ப்பித்தபிறகு விண்ணப்பதாரர்கள் கட்டணம் செலுத்த வேண்டும்.
கட்டண விவரம்:
1] Rs.230 / – பொது ஒதுக்கீடு கீழ் விண்ணப்பிக்கும் விண்ணப்பதாரர்கள்.
2] Rs.230 / – துறை ஒதுக்கீடு கீழ் விண்ணப்பிக்கும் விண்ணப்பதாரர்கள்.
3] Rs.460 / – பொது ஒதுக்கீடு மற்றும் துறை ஒதுக்கீடு கீழ் விண்ணப்பிக்கும் விண்ணப்பதாரர்கள்.
பணம் செலுத்தும் முறைகள்:
விண்ணப்பதாரர்கள் (நெட் பேங்கிங் முறை மூலம் பரீட்சை கட்டணம் செலுத்த முடியும்). (வங்கி கடன் அட்டை / பற்று அட்டை).
அல்லது
ஆஃப்லைன் மூலம் பணம் செலுத்தும் முறை ( இந்தியன் வங்கி அல்லது இ-பணம் தபால் நிலையம்).

Tuesday, 10 February 2015

மரபுப் பிழையை நீக்குதல்

பறவை மற்றும் விலங்களின் 
ஒலி குறிப்பு சொற்கள் 

பறவைகள்                                                            விலங்குகள்
ஆந்தை - அலறும்                                              நாய் - குரைக்கும்
கோழி - கொக்கரிக்கும்                                     நரி - ஊளையிடும்

குயில் - கூவும்                                                     குதிரை கனைக்கும்
காகம் - கரையும்                                                 கழுதை - கத்தும்
கிளி - கொஞ்சும்                                                  பன்றி - உறுமும்
மயில் - அகவும்                                                   சிங்கம் - முழங்கும்
கோட்டான் - குழலும்                                        பசு - கதறும்
வாத்து - கத்தும்                                                   எருது - எக்காளமிடும்
வானம்பாடி - பாடும்                                          எலி - கீச்சிடும்
குருவி - கீச்சிடும்                                                தவளை - கத்தும்
வண்டு - முரலும்                                                குரங்கு - அலம்பும்
சேவல் - கூவும்                                                    பாம்பு - சீறிடும்
கூகை - குழலும்                                                   யானை - பிளிரும்
புறா - குனுகும்                                                      பல்லி - சொல்லும்

பறவை மற்றும் விலங்குகளின் 
இளமைப் பருவம்
புலிப்பரள்             சிங்கக்குருளை
பூனைக்குட்டி      எலிக்குஞ்சு
நாளிணிக்குட்டி கோழிக்குஞ்சு
குதிரைக்குட்டி    கீரப்பிள்ளை
கழுதைக்குட்டி    மான்கன்று
ஆட்டுக்குட்டி      யானைக்கன்று
பன்றிக்குட்டி
தாவரங்களின் உறுப்புப் பெயர்கள்
சோளத்தட்டு      முருங்கைக்கீரை
தாழைமடல்        தென்னங்கீற்று
வாழையிலை     பனையோலை
வேப்பந்தழை      மாவிலை
மூங்கில் இலை நெல்தாள்
செடி, கொடி மரங்களின் தொகுப்பு 


பூந்தோட்டம்                     மாந்தோப்பு                  வாழைத்தோட்டம்
தேயிலைத் தோட்டம்   சோளக்கொல்லை   சவுக்குத்தோப்பு
தென்னந்தோப்பு              பனங்காடு                    வேலங்காடு

 பொருட்களின் தொகுப்பு பெயர்கள்

ஆடு - மந்தை          மாடு - மந்தை
எறும்பு - சாரை       கல் - குவியல்
சாவி - கொத்து       திராட்சை - குலை
பசு - நிரை                 யானை - கூட்டம்
வீரர் - படை             வைக்கோல்- போர்
விறகு - கட்டு         மக்கள் - தொகுப்பு

வினைத்தொகை மற்றும் பண்புத்தொகை கண்டறிவது எப்படி?



 மூன்று காலத்திற்கும் பொருந்தி பெயர்ச் சொல்லால் தழுவப் பெற்றுவரும் தொடரே வினைத்தொகை ஆகும்.

(எ.கா) ஊறுகாய்

வினைத்தொகையை எப்படி கண்டறிவது?

பொதுவாக தொகை சொற்களில் இரண்டும் சொற்கள் இருக்கும்.
(எ.கா) வினைத்தொகை - ஊறுகாய்
பண்புத்தொகை - செந்தாமரை (செம்மை+தாமரை

வினைத்தொகையில் இருசொற்கள் இருக்கும். முதல் சொல்லானது வினைச்சொல்லாக இருக்கும். இரண்டாவது சொல்லானது பெயர்ச்சொல்லாக இருக்கும்.

ஊறுகாய் என்பதில் ஊறு என்பதை வினைச்சொல்லாகவும் காய் என்பதை பெயர்ச்சொல்லாகவும் எடுத்துக் கொள்க.

இந்த ஊறுகாய் என்ற சொல்லில் மூன்று காலங்களும் மறைந்து இருக்கின்றன.

ஊறிய காய் - இறந்தகாலம்
ஊறுகின்ற காய் - நிகழ்காலம்
ஊறும் காய் - எதிர்காலம்

இப்பொழுது மூன்றுகாலங்களும் வெளிப்படுகிறது அல்லவா. இதைப் போல கொடுக்கப்பட்ட விடைகளில் எந்த சொல்லானது மூன்று காலங்களையும் உள்ளடக்கி வருகிறதோ அதுவே வினைத்தொகை என முடிவு கொள்ளுங்கள்.
(எ.கா)
1) படர்கொடி

படர்ந்த கொடி- இறந்தகாலம்
படர்கின்ற கொடி- நிகழ்காலம்
படரும் கொடி- எதிர்காலம்

2) சுடுசோறு

சுட்டசோறு - இறந்தகாலம்
சுடுகின்றசோறு - நிகழ்காலம்
சுடும்சோறு - எதிர்காலம்
3) குடிநீர்

குடித்தநீர்- இறந்தகாலம்
குடிக்கின்றநீர்- நிகழ்காலம்
குடிக்கும்நீர்- எதிர்காலம்

கொடுக்கப் பட்டிருக்கிற அனைத்து விடைகளையும் சொல்லி சொல்லிப்பாருங்கள். இரண்டும் சொற்கள் வராத விடையை நீக்கி விடுங்கள். முக்காலத்தையும் உணர்த்துகிறதா என்று பாருங்கள்.  ஒரு விடை மட்டும் தான் முக்காலத்தையும் உணர்த்தும். மூன்று தவறான விடைகள் பெரெச்சமாகவோ வினையெச்சமாகவோ இருக்கலாம். தவறான விடைகள புறந்தள்ளுவதன் மூலமும் சரியான விடையைக் கண்டுபிடிக்கலாம்.

நன்றி : Maha TNPSC

Wednesday, 4 February 2015

TNPSC Exam group 4 Solved question papers



கபடியில் எத்தனை வீரர்கள் களத்தில் இருப்பார்கள்?
7


மடிக்கணிணி யாருடைய சிந்தனையில் உருவானது?
ஆலம் கே என்பவரின் டைனாபுக்


முதன்முதலில் வணிக நோக்கில் வெளிவந்த மடிக்கணிணி?
ஒஸ்போர்ன் (1981)


மடிகணிணிகளின் எடை?
2.3 கி.கி முதல் 3.2 கி.கி வரை


மடிக்கணிணியின் திரை அளவு?
35 செ.மீ முதல் 39 செ.மீ வரை


வெள்ளை யானைகளின் நிலம்?
தாய்லாந்து


கடலின் ஆபரணங்கள்?
மேற்கிந்திய தீவு


ஐரோப்பாவின் விளையாட்டு மைதானம்?
சுவிட்சர்லாந்து


நள்ளிரவு சூரியன் உதிக்கும் நாடு?
நார்வே


அரபிக் கடலின் அரசி?
கொச்சி


அதிகாலை அமைதி நாடு?
கொரியா


இந்தியாவின் சுவிட்சர்லாந்து?
காஷ்மீர்


புனித பூமி?
பாலஸ்தீனம்


ஆஸ்திரேலியாவின் முன் கதவு?
டார்வின் நகரம்


மரகதத் தீவு?
அயர்லாந்து


தடுக்கப்பட்ட நகரம்?
லாசா


பண்பாடுகளின் தாய்நகரம்?
பாரிஸ்


தண்ணீர் தேசம், மிதவை நகரம்?
வெனிஸ்


ஏரிகளின் நகரம்?
ஸ்காட்லாந்து


தீவுகளின் நகரம்?
மும்பை

Thursday, 29 January 2015

மெமரி அளவுகள் - பிட் முதல் யோட்டா வரை

1 பைட்(1 byte ) = 8 பிட்ஸ்(bits( 0 & 1's))
ஒரு கிலோ பைட் ( 1 KiloByte) = 1,024 பைட்ஸ் (1024 bytes)
ஒரு மெகா பைட் (1 megabyte) =1,024 கிலோ பைட்ஸ் (1024 KB)
ஒரு கிகா பைட் (1 gigabyte) =1,024 மெகா பைட்ஸ்( 1024 MB)
ஒரு டெரா பைட் (1 terabyte) = 1, 024 கிகா பைட்ஸ்(1024 GB)
ஒரு பெட்டா பைட் (1 petta byte) = 1,024 டெரா பைட்ஸ்(1024 TB)
ஒரு எக்ஸா பைட் (1 exa byte) =1,024 பெட்டா பைட்ஸ் (1024 PB)
ஒரு ஸெட்டா பைட் (1 zetta byte) =1,024 எக்ஸா பைட் ஸ்(1024 EB)
ஒரு யோட்டா பைட் (1 yotta byte(YB)) = 1,024 ஸெட்டா பைட்ஸ்( 1024 ZB)
எந்திரனில் ரஜினி ரோபோ 1 ஸெட்டா பைட் மெமரியை கொண்டுள்ளதாக காட்டப்பட்டது. அதையும் தாண்டி யோட்டோபைட் உள்ளது.

கியாரண்ட்டி என்றால் என்ன..? வாரண்ட்டி என்றால் என்ன..?

கியாரண்ட்டி’ என்றால் ‘உத்திரவாதம்’ என்பது எல்லோருக்கும் தெரிந்ததே. ‘வாரண்ட்டி’ என்பதும் கிட்டத்தட்ட அதே பொருளைக் குறிக்கும் சொல்தான். ஆனால் சட்டத்தின் பார்வையில் ‘கியாரண்டி’ என்றால் ‘பொருளை மாற்றிக் கொடுப்பது,’ வாரண்டி என்றால் ‘சர்வீஸை’க் குறிப்பது. அதாவது, ஒரு பொருள் வாங்கிய பின்னர் ஒரு குறிப்பிட்ட காலத்திற்குள் அது சரியாக வேலை செய்யாவிட்டால், மாற்றிக் கொடுப்பார்கள். ஆனால் தற்போது, பொருளை மாற்றிக் கொடுப்பதில்லை. ரிப்பேர்தான் செய்து கொடுக்கிறார்கள்.
சமீபத்தில் ‘லாப்_டாப்’ தொடர்பான ஒரு வழக்கு நடந்தது. ஒரு ‘சயன்டிஸ்ட்’ தன்னுடைய புதிய கண்டுபிடிப்பை, ஒரு செமினாரில், ‘லாப்டாப்’ மூலமாக விளக்கிகொண்டிருக்கும் போது, மானிட்டர் வெறுமையாகிவிட்டது. மேற்கொண்டு எப்படி தொடர்வது என்று தெரியாமல், தவித்து, எப்படியோ சமாளித்திருக்கிறார். உடனே, ‘லாப்_டாப் வாங்கிய நிறுவனத்தைக் கேட்டதில்’ அவர்கள் கூலாக, ‘நீங்கள் ‘லாப்_டாப்பை’ சரியாக ‘பிளக்கில்’ செருகவில்லை. அதனால் அது எங்கள் தவறு இல்லை. இதற்கு நாங்கள் ஒன்றும் செய்யமுடியாது’ என்று தட்டிக்கழித்து விட்டார்கள். மேலும் வற்புறுத்தி, ‘கியாரண்ட்டி’ கொடுத்திருப்பதால், மாற்றிக் கொடுக்க வேண்டும் என்றவுடன், நாங்கள் கியாரண்ட்டி கொடுக்கவில்லை. வாரண்ட்டி என்றுதான் ‘கார்டு’ கொடுத்திருக்கிறோம். அதனால் மாற்றிக் கொடுக்க முடியாது. வேண்டுமானால் ரிப்பேர் செய்து கொடுக்கிறோம்’ என்றார்கள் ஆனால் ரிப்பேர் செய்ய முடியாமல், ‘லாப்_டாப்’ உபயோகமில்லாமல் போய்விட்டது.
‘கியாரண்ட்டி_வாரண்ட்டியை’ வைத்துக் கொண்டு எப்படி விளையாடிவிட்டார்கள் பாருங்கள்!

பொருட்களை விற்பனை செய்யும்போது, உபயோகிக்கும் முறையை விளக்க ‘இன்ஸ்ட்ரக்ஷன் மேனுவல்’ கொடுக்கிறார்கள். ஆனால் அதிலிருந்து நம்மால் எதுவும் புரிந்து கொள்ள முடிவதில்லை. மேலே சொன்ன ‘லாப்_டாப்’ விஷயம் போல் ‘மைக்ரோவேவ் அவன்’ பற்றிய ஒரு செய்தி. பெரும்பாலான ‘மைக்ரோ வேவ் அவன்’கள், 15 ஆம்பியர், கரண்டைத் தாங்கும் சுவிட்சுகளில்தான் வேலை செய்யும். பல வீடுகளில் இந்த வசதி இருக்காது. இதனால், சிலர், ‘அவன் வேலை செய்யவில்லையென்று’ பதட்டப்படுவார்கள். வேறு சிலர், ஆர்வக் கோளாறு காரணமாக இயங்கவைக்க வேண்டுமென்று ஏதாவது செய்து, ‘மைக்ரோ_வேவ் அவனை’ ரிப்பேர் செய்து விடுவார்கள். அப்படி ரிப்பேரானால், இந்த ‘கியாரண்ட்டி வாரண்ட்டி’ வார்த்தைகளைப் போட்டு நம்மைக் குழப்பி, ஏமாற்றிவிடுவார்கள். ‘15 ஆம்ஸ் சுவிட்ச்’ இல்லாதவர்கள், ஒரு ‘சுவிட்ச் கன்வெர்டர்’ வாங்கி பிளக்கில் செருகினால், ‘அவன்’ வேலை செய்யும். இதை அவர்கள் எப்படி உபயோகிக்க வேண்டும் என்பதைத் தெளிவாகப் போடுவதில்லை.

நுகர்வோர் பாதிப்படையும்போது பாதிப்பு ஏற்படுத்தியது, அரசாங்கமாக இருந்தாலும்கூட நஷ்டஈடு கொடுக்க வேண்டும். ஒரு முறை, ‘டிமாண்ட் டிராஃப்ட்’ சாதாரண தபாலில் ஒருவருக்கு அனுப்பப்பட்டது. பெறுநர், அனுப்புனர் முகவரிகள் மிகச் சரியாக இருந்தும். அனுப்பியவருக்கே திரும்பி வந்துவிட்டது. போஸ்டல் டிபார்ட்மெண்டில் அனுப்புவரின் முகவரியை, பெறுபவரின் முகவரியைவிட பெரிதாக எழுதி இருந்ததால் இந்தத் தவறு நடந்ததாக, நுகர்வோர் நீதிமன்றத்தில், பதில் மனு தாக்கல் செய்தார்கள். ஆனால் இந்தப் பதிலை ஏற்றுக் கொள்ளாத நீதிமன்றம், பாதிக்கப்பட்டவர்க்கு நஷ்ட ஈடு கொடுக்க உத்தரவிட்டது. ‘நெற்றிக்கண் திறப்பினும் குற்றம் குற்றமே!’

யார் நுகர்வோர்?
தனி ஒருவர் பொருள் வாங்கினால், நுகர்வோராகக் கருதப்பட்டு, அவருக்கான உரிமைகளை, நுகர்வோர் நீதிமன்றத்திற்குக் கொண்டு சென்று தீர்வுபெற முடியும். ஆனால் வாங்கும் பொருள் வியாபார நோக்கத்திற்காகப் பயன்படுத்தப்பட்டால், நுகர்வோர் நீதி மன்றத்தில் தீர்வு பெற முடியாது.